Bərxudar Əhməd oğlu türbəsi

Göyçə mahalı Ba­sarkeçər ra­yo­nunun Sarı­ya­qub kən­din­də  

Basarkeçər ra­yo­nu 11.06.1969-cu ildən–Vardenis, Sa­rıyaqub kəndi isə 19.04.1991-ci ildən Çax­kad­zor adlan­dırılıb .

Memarlıq

1988-ci ildə azər­baycanlı əha­­­li­nin zor­la   kö­­­çü­rül­mə­sin­dən son­­ra tür­bə er­­mə­­nilər tər­əf­in­­dən dağıdılıb , yerləşdiyi qə­dim qəbiristan­lıq ərazisində xa­rabalıqları qalıb.

Bərxudar Əhməd oğlu türbəsiSarı­yaqub kəndindən bir az aralıda bala və böyük Qaraqoyunluya və Kəlbəcərə ge­dən yolun sol tərəfində, təpənin döş tərəfindəkı qəbiristanlıqda yerləşirdi. Bərxudar Əhmədoğlu türbəsi kənd ağ­saqqalları və Şadmanlı (müasir dövür­də Bərxudarlı tayfası da deyirdilər) tay­fasının təşəbbüsü ilə Yaqublu və digər ətraf kəndlərdə böyük hörmətə sahib Miskin Abdal nəslindən olan seyid Bərxudar Əhməd oğluna tikilib. Türbə  Məhəmməd adlı usta tərəfindən inşa edilib, türbənin içərisində  məzar yeri qoyulub. O məzarlardan birində tayfa bö­yüklərinin məsləhəti ilə 1970-ci ildə vəfat edən Bərxudar Əhməd oğlunun oğlu Abbasəli Əhmədli dəfn olunub. 

Türbənin eni 3,50 m, uzunluğu 4,50 m, hündürlüyü 2,3 m civarında, türbə damının hündürlüyü isə 1,5–1,6 m civarında olub. Türbə bölgənin məşhur Subatan daşından tikilib.[i] 

Kənd Səfəvilər dövlətinin qu­ru­cusu və hökm­­­darı Şah İsmayıl Xə­tainin (1487-1524) 1515-ci il tarixli fərma­nı ilə Səfəvi­lə­rin bö­yük öv­liyası, sufi şey­xi Seyid Hü­seyn Mə­həm­məd oğlu­na – Miskin Abda­la (1430-1535) nəsil­bə­nəsil pay kimi veril­miş­dir.[i] Hə­min fər­­manın əsli ha­­zırda da "Mis­kin Abdal ocağı"nda sax­la­nılır. Azərbay­can tarixinin ən şan­lı dövrünün başlanğıcını qo­yan Səfəvi­lər dövlətinin qu­­ru­cusu Şah İsma­yıl Xətai bu kəndə gəlib us­ta­dı, böyük öv­liya Miskin Ab­dal ilə gö­rüş­­müş­dür. Sə­fə­vi hökmdarı Sul­tan Hüseyn də (17-18-ci əsr­lər) bu kən­də gəlib "Mis­kin Abdal Oca­ğı"nı ziyarət et­miş, orada xüt­bə oxutdur­muş­dur. Bunu təsdiq edən sə­nədlər "Miskin Abdal Oca­ğı"n­­da deporta­si­ya dövrünə qədər saxlanı­lırdı.[ii]