Quşçu kənd qəbiristanlığında qəbirüstü uzun strel heykəl

 İrəvan quber­niya­sının Şə­rur–Dərə­ləyəz qəza­sın­da, yer­lə­şən Pa­şalı (Əziz­bəyov), rayonundakı Quşçu  kən­dində

Paşalı rayonu 12.10.1956-cı ildən Əziz­bə­yov, 19.04.1991-ci ildən–Vayk, Quşçu kəndi isə 12.11.1946-cı ildən–Keçud

Memarlıq

Qəbiristanlıqda ucaldılan strel abi­dəyə erməni elementləri əlavə olunub, erməni abi­dəsi kimi təq­dim edilir.

Alban dövrünə aid olduğu təxmin edilən qəbirüstü strel heykəl Quşçu kəndinin kənarındakı çayda qurulan elektrik stansiyası yaxınlığındakı yüksək tətədəki qədim qəbiristanlıqda yerləşir. Abidə aşağıdan eni 1,2 metr, uzunluğu 1.5 metr, hündürlüyü isə 2.2 metr olan dördkünc divar və onun üzərinə qoyulmuş hün­dürlüyü 3,5–4 metr civarında olan sü­tundan ibarətdir. Dödkünc yastı sütunun eni 0.4 sm, uzunluğu 0,70 sm civa­rındadır. Abidə boz daşdan dekorativ görkəm verilərək, ustalıqla hazırlanıb.[i] 

Kənddə 1897-ci ildə 631 nəfər, 1926-cı ildə 3 nəfər azərbaycanlı yaşa­yıb.[ii] Azərbaycanlılar ərazidən 1905-1906-cı illərdə kütləvi surətdə depor­ta­siya olunub. Kənd Arpaçayın sol sa­hilində yerləşir. “İrəvan əyalətinin icmal dəftəri”ndə Quşçu xarabası ki­mi[iii], Qafqazın 5 verstlik xəritəsində Quşi formasında[iv] qeyd edilmişdir.

Toponim qə­dim “quşçu” türk etno­ni­mi[i] əsasın­da yaran­mış­dır. Etno­to­ponimdi. Quru­luşca sadə topo­nimdir.